周日英超大戰利物浦作客車路士憑著阿諾特射入靚罰球,以及法明奴建功,以2︰1險勝全取3分,於聯賽6戰全勝穩坐榜首。

阿諾特:要贏到球迷 忘記紅軍贏咗幾多冠軍

紅軍上半場表現出色,14分鐘禁區頂罰球攻勢,沙拿踢橫阿諾特燙射直飛死角入網,領先1︰0。30分鐘球隊另一罰球攻勢,羅拔臣左路傳中法明奴無人看管一頂入網,拉開到2︰0。

不過利物浦下半場表現大跌Watt,車仔取得絕對優勢下於71分鐘追回一球,簡迪中路突破推至禁區頂勁射破網,追成1︰2。

可惜之後後備前鋒巴舒亞伊近門頂斜,中場美臣蒙特接應傳中一射又高出,最終紅軍險勝車仔一球完場。(Goal.com)